சென்னை மற்றும் அதன் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை சுமார் 36°C வரை இருக்கும் என எதிர்பார்க்கப்படுகிறது, மேலும் குறைந்தபட்ச வெப்பநிலை 28°C முதல் 29°C வரை இருக்கக்கூடும்.
தமிழ்நாட்டில் அடுத்த நான்கு நாட்கள் கடும் வெப்பம் நிலவும் என வானிலை ஆய்வு மையம் அறிவித்துள்ளது. அந்த மையம் வெளியிட்டுள்ள அறிக்கையின்படி, தற்போது லட்சத்தீவு மற்றும் அதை சுற்றியுள்ள பகுதிகளில் ஒரு சுழற்சி வடிவ வளிமண்டல கீழடுக்கு நிலவி வருகிறது. மேலும் தென்னிந்திய பகுதி மீது, கிழக்கு மற்றும் மேற்கு திசை காற்றுகள் சந்திக்கும் பகுதி வளிமண்டலத்தின் கீழ் அடுக்கு பகுதியில் காணப்படுகிறது.
